23 қазан, жұма күні еліміздің бірқатар аймағында ауа температурасы 6 градусқа дейін төмендеп, үсік жүреді, деп хабарлайды Tizgin.kz «Қазгидромет» РМК болжамына сілтеме жасап.
Қай өңірлерде қар жауып, боран соғады
Синоптиктердің мәліметінше, 23 қазанда Қазақстанның шығысында және оңтүстік-шығыстағы таулы аудандарда қалың қар жауады деп болжанып отыр. Еліміздің шығыс бөлігінде боран соғып, кей жерлерде көктайғақ болуы мүмкін.
Ал республиканың қалған аумағында айтарлықтай жауын-шашын күтілмейді. Сонымен қатар, Қазақстанның бірқатар өңірінде жел күшейіп, тұман түседі. Күндіз елдің оңтүстігі мен оңтүстік-батысында шаңды дауыл болуы ықтимал.
Қазақстанның қай өңірлерінде үсік жүреді
«Қазгидромет» болжамына сәйкес, еліміздің бірнеше өңірінде ауа температурасы төмендеп, 1–6 градус үсік күтіледі.
Атап айтқанда:
- Жетісу облысында;
- Жамбыл облысының батысында, солтүстігінде және шығысында;
- Алматы және Түркістан облыстарының солтүстігінде;
- Қызылорда облысының солтүстігі мен орталық бөлігінде.
Осылайша, 23 қазанда еліміздің шығыс және оңтүстік-шығыс аймақтарында қарлы ауа райы қалыптасса, оңтүстік өңірлердің бір бөлігінде үсік жүруі мүмкін.
