Reuters агенттігі ұсынған ақпаратта Киевтің Ресейге қарсы АҚШ тарапынан жаңа қатаң санкциялар салынады үміті әлсіреп бара жатқаны жазылады, деп хабарлайды Tizgin.kz ВВС News-ке сілтеме жасап.
Украина президенті БҰҰ мінберінде сөйлеп, Дональд Трамппен кездесу барысында одақтастарынан қолдаудың барынша көп болуын сұрады. Алайда сол сөз айтылып жатқанда, Киев соғыстың жаңа кезеңіне қызу дайындалуын жалғастырып жатты. Бұл жолы Украина барынша өз күшіне сүйенуге мәжбүр болады, деп жазады Reuters агенттігі.
Агенттіктің сараптамасына сүйенсек, Киевтің Ресейге қарсы АҚШ тарапынан жаңа қатаң санкциялар салынады деген үміті әлсіреп барады. Дегенмен, Украина билігінің жаңа прагматикалық ұстанымы Зеленскийдің бұл сапарын алдыңғы сапалармен салыстырғанда біршама салмақты әрі саяси қысымы төмен етіп отыр. Әсіресе, Ақ үйде ақпан айында болған дау-дамайдан кейінгі сабақтар ескерілген.
