Экс-сенатор, бұрынғы Бас прокурор және Экономикалық және сыбайлас жемқорлық қылмысқа қарсы күрес агенттігінің (АБЭҚҚ, қаржы полициясы) экс-басшысы Қайрат Қожамжаров Мәскеуде көзге түсті, деп хабарлайды Tizgin.kz Elmedia-ға сілтеме жасап.
“ЖАН-ЖАҒЫНА ЖАЛТАҚТАЙ ҚАРАЙДЫ”
Сейсенбі күні тараған хабарламада қаржы полициясының бұрынғы басшысы және экс-прокуроры Қайрат Қожамжаров Ресей аумағынан кетіп қалды деген ақпараттар тарай бастағаны жазылды.
Бұл мәліметтер ресми расталмаған. Егер рас болса, бұл оның Мәскеудегі достары тарапынан қауіпсіздік кепілдіктерін ала алмағанын білдіруі мүмкін. Біздің деректер бойынша, ол Мәскеуде кем дегенде осы жылдың басында қоныстанған. Оған қоса, ол қалаға өзінің токалдарының («сүйікті әйелі») бірі – Маргарита Александровамен (Қостанайдың тумасы) бірге көшіп барған. Жалпы, Марго деген атпен танымал. Қайрат Пернешұлы Маргаритамен бірге екі бала сүйіп үлгерген, қазір олар элиталық гимназияда оқиды. Әкесі ретінде ол балаларын мектептен өзі алып, VIP-фастфудтан тамақ сатып әкеліп, ізін жасыру үшін оларды метро арқылы үйге апарады», – делінген сейсенбі күнгі хабарламада.
Elmedia оның іс-әрекеттері туралы фотосуреттерді де жариялады.
«Бірақ бақылаушылардың айтуынша, Қайрат Пернешұлы өте сақ, үнемі жан-жағына жалтақтап, телефонындағы SIM-карталарды себепсіз жиі ауыстырады. Дұрыс та шығар. Себебі тіпті курстасы, РФ Қауіпсіздік кеңесі төрағасының орынбасары Дмитрий Медведевтің «қамқорлығының» өзінде өзін қауіпсіз сезіне алмай жүргені байқалады. Ал Марго туралы айтсақ, былтыр оның сол кездегі облыс басшысының «екінші әйелімен» тұрмыстық жанжалға барғанын жазған болатынбыз. Сонда Қостанай әкімі кінәлі болып шықты. Бұған қоса, жақында біз Маргарита Александрованың Астанада не нәрсеге ие екенін, ал оның анасының (Қожамжаровтың бейресми қайын енесінің) Қостанайдағы мүлкін көрсеткенбіз. Бірақ бұл, әрине, ұсақ-түйек. Шын мәнінде, кей ақпараттарға қарағанда, Қайрат Пернешұлы қызметте болған жылдары жарты миллиард долларға дейін жинап үлгерген», — делінеді материалда.
БРУКЛИНДЕ БИЗНЕС-ОРТАЛЫҒЫ БАР МА
Басылымның мәліметінше, «оның кейбір активтері ағасы, кәсіпкер Дулат Қожамжаровтың, сондай-ақ оның табысты балаларымен заңды жұбайы Салтанат Аханованың атына рәсімделген. Дәл сол Салтанат Аханованың дубайлық шотында 2011 жылдың жазында аяқ астынан 17 млн доллар пайда болғаны белгілі».
«Бұған қоса, әзірге расталмаған деректерге сенсек, Қожамжаров Бруклиндегі тұтас бір бизнес-орталықтың иесі болуы мүмкін», — деп жазады Elmedia.
Еске сала кетейік, 11 шілдеде KazTAG «қожамжаровшылардың» атышулы істері туралы, олар бойынша қылмыстық жауапкершілікке тартылуға болатын құжаттама жариялаған еді.
Қазір Сыбайлас жемқорлыққа қарсы іс-қимыл ұлттық бюросының бұрынғы басшысы Талғат Татубаев қамауда, сондай-ақ Бас прокуратураның арнайы прокурорлар қызметінің экс-басшысы Олеся Кексель тергеу аясында үй қамақта отыр. Екеуі де Қожамжаровқа жақын адамдар ретінде аталады.
10 шілдеде редакция Бас прокуратура мен ҰҚК-ге Қожамжаровқа қатысты үнсіздік жөнінде ашық сұрау жолдаған. Ал 27 шілдеде Бас прокуратураның жауабы негізінде «қожамжаровшыларға» қатысты дәлел жинау жалғасып жатқаны белгілі болды.
1 қыркүйекте KazTAG бұрынғы бас көлік прокуроры, Қожамжаровтың бұрынғы қоластында болған Максат Дүйсеновтің іздеу жарияланғанын хабарлады. 23 қыркүйекте оның Германияда ұсталғаны белгілі болды.
