Мәжіліс отырысында депутат Магеррам Магеррамов петиция жолдау ережелерін нақтылайтын заңға енгізілген түзетулерді таныстырды, деп хабарлайды Tizgin.kz Orda.kz-ке сілтеме жасап.
ӨЗГЕРІСТІҢ ӨЗЕКТІЛІГІ
Петицияларға қойылатын талаптарды күшейтетін бұл түзетулер Әкімшілік рәсімдік-процестік кодекске енгізілді.
«Қоғам тұрақтылығына нұқсан келтіруі мүмкін жағдайларды болдырмау үшін петицияға негіз бола алмайтын мәселелер тізбесі нақтыланып, кеңейтіледі. Бұл құқықтық кепілдіктерді күшейтіп, өтініштер платформасын деструктивті мақсатта қолданудың алдын алады», – деді Магеррамов өз баяндамасында.
Тыйым салынатын тақырыптар қатарында – қоғамдық моральға қатысты мәселелер, адамдардың абыройы мен беделін қорғау, амнистия және рақымшылық, сондай-ақ соғысқа, зорлыққа, экстремизмге, сепаратизмге және есірткіге үгіт-насихат мәселесі бар.
Заң жобасы енді бастан-аяқ қаралу үшін Сенатқа жолданды.
МӘН-ЖАЙЫ
Қазақстанда E-petition сайты ресми түрде бір жарым жыл бұрын іске қосылған. Платформа алғашқы күні-ақ азаматтардан түскен өтініштер легіне шыдамай, техникалық ақаулар болған.
Ережеге сай, петиция 50 мың дауыс жинаса, ол міндетті түрде тиісті адресатқа жолдануы тиіс. Өтінішті қабылдаудан бас тартуға тыйым салынған.
