Ресми түрде биыл бюджет тапшылығы 4,5 трлн теңге екені айтылады. Алайда мұнайдан түскен кірісті есептемегенде жағдай әлдеқайда күрделі. Бұл туралы «Бес тиын» подкастында макроталдаушы Аягөз Ханет айтты, деп хабарлайды Tizgin.kz.
САРАПШЫ НЕ ДЕЙДІ
«Жалпы тапшылық ЖІӨ-нің 2,7%-ын құрайды, бұл халықаралық тәжірибеде аса қауіпті көрсеткіш емес. Бірақ Қазақстан сияқты мұнайға тәуелді елдер үшін басты назар – мұнайдан тыс тапшылықта. Егер салықтан түскен 15 трлн теңгені ғана алсақ, тапшылық 11 трлн теңгеге жетеді. Бұл өте үлкен қауіп-қатер», – деді Аягөз Ханет.
Айта кетейік, 2025 жылы республикалық бюджеттің шығысы 25 трлн теңге болса, кірісі 21,4 трлн теңге деп белгіленген. Оның ішінде 15 трлн теңгесі салықтан, ал шамамен 5,7 трлн теңгені Ұлттық қордан алу көзделеді.
Подкасттың толық нұсқасын мына сілтеме бойынша көруге болады.
Аягөз Ханет подкастта Үкімет пен Ұлттық банк жұмысының ара жігін ажыратып, түсіндіріп берген. Бюджет Ұлттық қорға қаншалықты тәуелді екенін айтып, АҚШ тың, Норвегияның қаржы жүйесі ерекшеліктеріне тоқталған. Қазақстанның 50% байлығы 162 адамға тиесілі деген мәлімдеменің қайдан шыққанын кеңірек талдаған.
