Кешеден бері әлеуметтік желіде университетке грантқа түскенін естіп, қуана видео жариялаған мектеп түлектерінің санында есеп жоқ. Алайда мұндай қуанышты сәттер түлектердің бәрінің басынан өткен жоқ. Оқуға түсе алмағанын естігендер де желіге жабырқаған сәттерін салған, деп хабарлайды Tizgin.kz.
Сондай видеолардың бірі Тиктокқа тарады. Оқуға түсе алмаған бойжеткен әкесіне ұялы телефон арқылы хабарласып, оқуға түсе алмағанын айтқан.
“Әке, мен грантқа түсе алмай қалдым” дейді жабырқаған қыз.
“Ештеңе етпейді. Неменеге алаңдайсың. Мүмкін, дұрыс та болған шығар. Неге жылайсың, қызым-ау? Шешілетін проблема ғой. Оның бәрі шешіледі. Мен тірі тұрғанда жылама, шешеміз бәрін. Мен де сені жақсы көремін, – дейді әкесі.
Әкесі мен қызының ұялы телефон арқылы сөйлескен видеосына көп адам пікір қалдырып, пікір жазып жатыр. Кейбір адамдар кезінде өздері де оқуға түсе алмағанын айтып, жұбатуға тырысады.
ГРАНТ ТІЗІМІ
Ғылым және жоғары білім министрлігі 7 тамызда грант иегерлерінің тізімін жариялады. Тізімді мына сілтемеден жүктеп, көруге болады.
Ресми ақпаратқа сәйкес, 2025-2026 оқу жылына 77 мыңнан астам грант бөлінді. Оның басым бөлігі, яғни 60%-ы техникалық бағыттағы мамандықтарға, 20%-ы педагогикалық мамандықтарға, ал қалған 20%-ы қажеттілікке байланысты әртүрлі салаға жіктелді.
Посмотреть эту публикацию в Instagram
