Денсаулық сақтау министрлігі 70 млрд теңгені үнемдеп, оны сұраныс жоғары препараттарды қосымша сатып алуға бағыттаған, деп хабарлайды Tizgin.kz Informburo.kz-ке сілтеме жасап.
Денсаулық сақтау вице-министрі Тимур Мұратов Қазақстанда дәрі-дәрмек жетіспеушілігі байқала ма, жоқ па екендігіне жауап берді. Үкімет отырысында Премьер-министр Олжас Бектенов тұрғындар тарапынан мұндай наразылықтардың жиілеуі орынды ма деп сұрады.
«Иә, жыл ішінде өмірлік маңызға ие дәрі-дәрмек жетіспеушілігіне қатысты көптеген өтініш түсті. Осыған байланысты министрлік жүйелі шаралар қабылдауда. «СК-Формация» арқылы 21 млрд теңгелік тұрақтандыру қорын құрдық, онда әлеуметтік маңызды ауруларды емдеуге қажет өмірлік дәрі-дәрмектердің азайтылмайтын қоры сақталған. Сонымен қатар сатып алу механизмі жетілдіріліп, 70 млрд теңге үнемделді де, сол қаражат сұранысқа ие дәрілерді қосымша сатып алуға бағытталды», – деді Мұратов.
Аймақтарда дәріхана желісі кеңейтіліп, қорларды қайта бөлу жүйесі енгізілуде.
«Мұндай жұмыстар жалғаса бермек. Қазір бәлендей тапшылық байқалмайды, барлық шара атқарылып жатыр», – деп түйіндеді вице-министр.
