29 қазанда доллар бағамы 530 теңгеге дейін төмендеді. Бұған дейін USD/KZT жұбы 535,8 теңге деңгейінде тұрған еді. Осылайша, бірнеше сағат ішінде доллар 5 теңгеге арзандады, деп хабарлайды Tizgin.kz.
Бұл үрдіс ішкі нарықта да бірден байқалды: айырбастау пункттерінде доллардың орташа сату бағамы арзандады.
Сарапшылардың айтуынша, теңгенің қазіргі нығаюына ішкі және сыртқы бірқатар факторлар ықпал еткен. Олардың қатарында халықаралық қаржы нарықтарындағы оң қозғалыс пен елдің ішкі экономикасының тұрақтылығы бар.
Қозғалыс шамалы болғанымен, Brent маркалы мұнай бағасы қазақстандық экономика үшін қолайлы 63,7–64,0 доллар деңгейінде сақталды. Соңғы аптада «қара алтын» 2,36 пайызға сенімді өсім көрсетіп, бұл Қазақстан үшін маңызды көрсеткіш саналады.
Қазақстан қаржыгерлері қауымдастығының деректеріне сүйенсек, аптаның басында сауда белсенділігі жылдық орташа көрсеткіштерден жоғары деңгейде тіркелді. Осы кезеңде Қазақстан қор биржасындағы (KASE) жалпы сауда көлемі 288,9 миллион долларға жетіп, бұл алдыңғы кезеңдермен салыстырғанда 19,4 миллион долларға артық болды.
