Атырауда блогер Құралай Болатованы екі қыз соққыға жығып, қала сыртына күшпен алып кетті деп мәлімдеген іс бойынша сот басталды, деп хабарлайды Tizgin.kz «Ақ Жайық» порталы.
“КӨЛІККЕ КҮШТЕП ОТЫРҒЫЗДЫ”
Блогердің айтуынша, өзін алдап, алып кетіп, соққыға жыққан.
Мұны назардан тыс қалдыра алмаймын. Кінәлілер жазасын алуы тиіс. Неліктен істі 108-бап бойынша ғана қозғады? Мені күштеп көлікке отырғызып, адам жоқ жерге алып кетті — неге бұл адам ұрлау ретінде қаралмайды? Заң бәріне бірдей болуы керек», – делінген бейсенбі күнгі хабарламада.
ҚР ҚК-нің 108-бабы «Денсаулыққа қасақана жеңіл зиян келтiру» бойынша қылмыстық іс қозғалған. Жәбірленуші, оның айтуынша, оны көлікке күштеп отырғызып, зиратқа апарып, ұрып-соғып, қорлағанын ескере отырып, жазаны қатаңдату керектігін алға тартады.
ДАУ ҚАЙДАН ШЫҚТЫ
Болатова мен іс бойынша айыпталушылар арасындағы дау блогер қыздардан туристік тур сатып алып, оны әлеуметтік желіде жарнамалағаннан кейін туындаған. Тур орындалмай, блогер 100 мың теңгені қайтаруды талап еткен. Осыдан кейін, жәбірленушінің айтуынша, қыздар «әңгімелесуді» шешкен.
Сотта оқиғаның мән-жайы мен тараптардың түсініктемелері қаралуда.
Бұған дейін Атырау қаласының прокуратурасы күдіктілердің бірі прокуратура қызметкерінің туысы деген блогер таратқан ақпаратты жоққа шығарған болатын.
