Астанада 29 тамыз бен 1 қыркүйек аралығында Бараев көшесінің Республика даңғылынан Шоқан Уәлиханов көшесіне дейінгі бөлігінде көлік қозғалысы ішінара шектеледі. Бұл туралы қалалық Көлік және жол-көлік инфрақұрылымын дамыту басқармасы мәлімдеді, деп хабарлайды Tizgin.kz.
Жолдың үстіңгі қабаты төселеді
Қозғалыстың уақытша шектелуіне аталған учаскеде жүргізілетін жол жөндеу жұмыстары себеп болған. Мамандар осы аралықта жол жабынының үстіңгі қабатын төсейді.
Жөндеу жұмыстары 1 қыркүйекке дейін аяқталады деп жоспарланып отыр.
Көлік қозғалысы бір жақпен ұйымдастырылады
Жөндеу кезінде көліктер екі бағытта да көшенің бір жағымен қатынайды. Жұмыс жүргізіліп жатқан аумаққа уақытша жол белгілері мен бағыттаушы көрсеткіштер орнатылады.
Қала әкімдігі жүргізушілер мен жаяу жүргіншілерден қозғалыс бағытын алдын ала жоспарлап, жолдағы уақытша шектеулерді ескеруді сұрады.
