Алматыда электросамокатпен келе жатқан 44 жастағы тұрғын құлап, алған жарақатынан көз жұмды. Қайғылы оқиға Варламов көшесінде болған, деп хабарлайды Tizgin.kz.
Оқиға қалай болған
Ер адам түнгі уақытта Варламов көшесімен электросамокатпен келе жатқан. Алдын ала мәлімет бойынша, ол басқаруға ие бола алмай, жол жиегіндегі бордюрге соғылып, құлаған.
Салдарынан өміріне қауіп төндіретін ауыр жарақат алған.
Дәрігерлер өмірін сақтап қала алмады
Медицина қызметкерлері ер адамға реанимациялық көмек көрсеткен. Алайда оны аман алып қалу мүмкін болмаған. Алдын ала ақпаратқа қарағанда, ер адам қорғаныс дулығасын кимеген әрі өзге де қорғаныс құралдарын пайдаланбаған.
Оқиғаның мән-жайы анықталып жатыр.
