Мемлекет басшысының өкімімен Алексей Владимирович Цой Қазақстан Республикасы Президентінің әлеуметтік мәселелер жөніндегі кеңесшісі лауазымына тағайындалды, деп хабарлайды Tizgin.kz Ақордаға сілтеме жасап.
Алексей Цой 1977 жылғы 2 сәуірде Оңтүстік Қазақстан облысында дүниеге келген.
2001 жылы Оңтүстік Қазақстан мемлекеттік медицина академиясын тәмамдады. 2007 жылы ҚР Денсаулық сақтау министрлігінің Ұлттық ғылыми медицина орталығында, сондай-ақ «Данекер» халықаралық құқық және халықаралық бизнес институтында білім алды. 2015 жылы – «Алматы Менеджмент университетін», 2016 жылы – Ресей Федерациясы Президенті жанындағы Халық шаруашылығы және мемлекеттік қызмет академиясын және Лондондағы Sells College-ті аяқтады. Сонымен қатар Стэнфорд университетінде (АҚШ), Сингапурда, Мәскеуде, Германияда, Ұлыбританияда және басқа да елдерде кәсіби тағылымдамадан өткен.
Медицина ғылымдарының кандидаты (PhD), іскерлік әкімшілендіру докторы (DBA).
ЕҢБЕК ЖОЛЫ:
2002–2007 жылдары – Ұлттық ғылыми медицина орталығы мен Республикалық клиникалық аурухананың эндоскопия бөлімінде дәрігер, аға ғылыми қызметкер, сондай-ақ Қазақ мемлекеттік медицина академиясының аспиранты;
2008–2009 жылдары – Президент Іс басқармасының Медициналық орталығына қарасты қазіргі заманғы медициналық технологияларды енгізу орталығының директоры;
2010–2011 жылдары – Президент Іс басқармасының Медициналық орталығының бастығы;
2011–2014 жылдары – №1 қалалық аурухананың бас дәрігері;
2014–2017 жылдары – Денсаулық сақтау және әлеуметтік даму вице-министрі;
2017–2019 жылдары – Денсаулық сақтау вице-министрі;
2019–2020 жылдары – Президент Іс басқармасының Медициналық орталығының басшысы;
2020 жылы – Денсаулық сақтау бірінші вице-министрі;
2020–2021 жылдары – Қазақстан Республикасының Денсаулық сақтау министрі;
2022 жылғы 31 қазаннан бастап – Президент Іс басқармасының Медициналық орталығының басшысы қызметін атқарды.
