Түркістан облысы Отырар ауданындағы Шәуілдір ауылында тұрғын үйлердің бірінде газ-ауа қоспасы жарылды, деп хабарлайды «QazaqGaz Аймақ» АҚ баспасөз қызметі.
Алдын ала мәлімет бойынша, жарылысқа рұқсатсыз газ жүйесіне қосу себеп болған.
Оқиға салдарынан бір адам зардап шекті, бірнеше пәтерге зақым келді. Газ беру уақытша тоқтатылды. Қазір оқиға орнында мамандар жұмыс істеуде, газ желілері тексеріліп жатыр.
