Қазақстан мен Беларусь басшылары жаңа бірлескен жобаларды талқылап, Қырғызстанда өтетін кездесуге дайындық жұмыстарын пысықтады, деп хабарлайды Tizgin.kz Orda.kz-ке сілтеме жасап.
ТАРАПТАР НЕНІ ТАЛҚЫЛАДЫ
Телефон арқылы сөйлесу кезінде Қасым-Жомарт Тоқаев пен Александр Лукашенко екі ел арасындағы ынтымақтастықты сөз етіп, алдағы уақытта жасалатын қадамдарды бір талқылады.
«Беларусь үкіметтік делегациясы жақын арада Қазақстанға ресми сапармен келіп, өзара әріптестікті күшейту жөнінде нақты ұсыныстар енгізуге уағдаласты», — деп мәлімдеді Беларусь президентінің баспасөз қызметі.
ЛУКАШЕНКО ҚАЗАҚСТАНДЫ СЕНІМДІ ДОС САНАЙДЫ
Мемлекет басшылары халықаралық күн тәртібіндегі өзекті мәселелерді де талқыға салды. Әңгіме барысында Қырғызстанда өтетін ҰҚШҰ саммитіне дайындық барысы сөз болды. Тоқаев өз кезегінде Минскіде өтіп жатқан Еуразиялық қауіпсіздік жөніндегі конференцияның маңызын ерекше атап өтті.
Айта кетейік, бұған дейін Александр Лукашенко Қазақстанды «маңызды әрі сенімді дос, стратегиялық әріптес және одақтас ел» деген болатын. Ол бұл пікірін өткен жылы елші Тимур Жақсылықовқа сенім грамотасын тапсыру рәсімі кезінде білдірген еді.
