Қазақстан Үкіметі Әзербайжанмен энергетика саласындағы стратегиялық әріптестік туралы келісімді мақұлдады, деп хабарлайды Tizgin.kz КазТАГ-қа сілтеме жасап.
«Қазақстан Республикасының Үкіметі мен Әзербайжан Республикасының Үкіметі арасындағы энергетика саласындағы стратегиялық әріптестік туралы келісім жобасын бекіту туралы», – делінген құжатта.
Келісімге сәйкес, тараптар төмендегі бағыттарда ынтымақтастықты дамытуға уағдаласты:
- мұнай және газ саласы;
- жаңартылатын энергия көздері;
- өзара қызығушылық тудыратын өзге де ынтымақтастық бағыттары.
Бұл келісім екі ел арасындағы энергетикалық әріптестікті жаңа деңгейге көтеріп, аймақтық тұрақтылық пен экономикалық байланыстарды нығайтуға ықпал етпек.
