Ерлан Қарин парламент реформасы жөніндегі жұмысшы топтың жетекшісі болып тағайындалды, деп хабарлайды Tizgin.kz BES.media-ға сілтеме жасап.
ЖҰМЫС ТОБЫНДА КІМДЕР БАР
Қазақстан Президенті Қасым-Жомарт Тоқаев «Парламент реформасы жөніндегі жұмысшы топ туралы» өкімге қол қойып, оның басшысы болып Ерлан Қарин тағайындалды.
Жұмысшы топ құрамына белгілі мемлекет және саяси қайраткерлер, соның ішінде Ержан Жиенбаев пен Арман Қырықбаев кіріп, олар топ жетекшісінің орынбасарлары болып бекітілді.
Топ мүшелері негізінен заң саласындағы мамандардан құралған. Оған Әділет министрі Ерлан Сәрсембаев, депутаттар Айдос Сарым, Марат Башимов, Елнұр Бейсенбаев, Азат Перуашев, Сергей Пономарёв, Үнзила Шапақ, Никита Шаталов кірді. Сонымен қатар, топқа заңгер мамандар – Қабдулсамих Айтхожин, Индира Әубәкірова, Дина Баймаханова, Лейла Жақаева, Виктор Малиновский, сонымен қатар саясаттанушылар Бүріхан Нұрмұхамедов пен Марат Шибұтов енді.
КОНСТИТУЦИЯҒА ӨЗГЕРІСТЕР ЕНГІЗІЛЕДІ
Жұмысшы топтың жалпы құрамында 31 адам, оның ішінде бір жетекші мен екі орынбасар бар.
2024 жылғы 8 қыркүйекте Қасым-Жомарт Тоқаев Қазақстан халқына арналған Жолдауында алдағы парламент реформасы жайлы айтып, оның талқылауы кем дегенде бір жылға созылатынын мәлімдеген болатын. Мемлекет басшысы талқылаулар азаматтық секторда, сарапшылар ортасында және қазіргі парламентте өтеді деп жоспарлап отыр. Одан кейін 2027 жылы жалпыұлттық референдум өткізіліп, Конституцияға өзгерістер енгізіледі.
