Сауда министрі тауарларды толық бағамен және бөліп төлеу арқылы сату кезінде қосарланған баға белгілеріне рұқсат ететін бұйрыққа қол қойды, деп хабарлайды Tizgin.kz.
«Ішкі сауда субъектісі тауарды өз қаражаты есебінен бөліп төлеумен және біржолғы төлеммен іске асырған кезде, оған бөлек бағаларды көрсетеді», – делінген бұйрықта.
Жаңа ережелер ресми жарияланған күннен кейін он күн өткен соң, яғни биылғы жылдың 11 қазанынан бастап күшіне енеді.
Сонымен қатар, аталған бұйрық басқа жағдайларда қосарланған баға қоюға рұқсат бермейтінін түсіну маңызды. Мысалы, тауарды қолма-қол ақшамен немесе картамен төлеу кезінде. Бұл үшін бұрынғыдай жауапкершілік қарастырылады.
Сондай-ақ, сатушылар сатып алушылардан белгілі бір төлем тәсілін пайдалануды талап ете алмайды.
