«Қазгидромет» 16 қыркүйекке арналған ауа райы болжамын ұсынды, деп хабарлайды Tizgin.kz.
Қазақстанның көп өңірінде найзағайлы жаңбыр, нөсер, бұршақ және екпінді жел күтіледі. Батыс аймақтарда айтарлықтай жауын-шашын болмайды, бірақ өрт қаупі сақталады. Солтүстік пен шығыста тұман мен үсік болжануда, температура –2°C-қа дейін төмендейді. «Қазгидрометтің» мәліметінше, республика бойынша желдің күшеюі, түнде және таңертең тұман түсуі ықтимал. Алматы, Жамбыл, Маңғыстау, Түркістан облыстарында, сондай-ақ Алматы мен Шымкент қалаларында өрт қаупінің ең жоғары класы жарияланды.
Астанада күндіз +17…+19 °C, түстен кейін жаңбыр, найзағай күтіледі. Түнде +7…+9 °C, кей жерлерде жаңбыр жауады. Желдің жылдамдығы – 9–14 м/с.
Алматыда күндіз +21…+23 °C, түнде +11…+13 °C, кей уақытта жаңбыр жауады. Желдің екпіні – 3–8 м/с, кейде 15 м/с-қа дейін күшейеді.
Шымкентте күндіз +23…+25 °C, түнде +10…+12 °C, жауын-шашынсыз. Желдің жылдамдығы – 8–13 м/с, екпіні 20 м/с-қа дейін жетеді.
