Жаңалықтар

Кувейтте қазақстандық бортсерік ауруханаға түсті

Кувейтте 25 жастағы қазақстандық бортсерік жансақтау бөліміне түсті. Непалдан ұшып келгеннен бортсерік қыздың жағдайы бірнеше күннен соң күрт нашарлаған. Бұл туралы Қазақстанның Сыртқы істер министрлігі хабарлады, деп жазады Tizgin.kz.

Бортсерік екі күн жансақтау бөлімінде жатып, медициналық көмек көрсетілгеннен кейін жағдайы тұрақтанған. Дегенмен бірнеше күн өткен соң денсаулығы қайтадан күрт нашарлап, ауруханаға екінші рет жатқызылған.

Экипаждың өзге мүшелері де сырқаттанып, олардың дене қызуы көтерілген. Әзірге бортсеріктің нақты қандай ауруға шалдыққаны белгісіз.

Оның қай әуе компаниясында жұмыс істейтіні және экипаждың басқа мүшелерінің қазіргі жағдайы туралы ресми дерек жарияланбаған.

Нұрай Әкіремхан

Нұрән Әділет – Tizgin.kz ақпарат-сараптама порталының білім саласына маманданған тілшісі. С.Аманжолов атындағы ШҚМУ-ды “қазақ тілі мен әдебиеті” мамандығы бойынша тәмамдаған. Филология ғылымдарының магистрі. Еңбек жолын ШҚО-дағы “Өскемен” газетінде корректор, артынша тілші болып бастаған. 2022 жылы “Jana Bastau” газетінде редактордың орынбасары болған. Әр жылдары Inbusiness.kz сайтында корректор, Qaz365.kz порталында тілші, Kursiv Media-ның Business News бөлімінің тілшісі болып жұмыс істеген. 2026 жылдың наурыз айынан бастап Tizgin.kz порталының арнайы тілшісі.
Back to top button