Елде қант диабетін тексеруге арналған тегін медициналық көмек көрсету тәртібі өзгертіледі, деп хабарлайды Tizgin.kz.
Тегін тексеруден кімдер өте алады?
Енді 40 пен 76 жас аралығындағы азаматтар екі жылда бір рет тегін скринингтен өте алады. Тексеру барысында қандағы гликирленген гемоглобин, триглицеридтер және төмен тығыздықтағы липопротеиндер деңгейі анықталады.
Барлық өңірде диабет орталығы ашылады
Мамандандырылған медициналық көмектің қолжетімділігін арттыру мақсатында Кардиология және ішкі аурулар ғылыми-зерттеу институтының базасында Республикалық эндокринология және диабет құзыреттілік орталығы құрылды. Қазір аталған орталықтар Алматы, Қарағанды, Қызылорда, Солтүстік Қазақстан, Түркістан және Ақтөбе облыстарында жұмыс істейді. Министрлік 2027 жылдың соңына дейін олар барлық өңірде ашылады деп мәлімдеді.
