ҚР ІІМ заң мен норма шығармашылығын үйлестіру департаментінің бастығы Ренат Зұлқайыров Tizgin.kz порталының қала мен ауыл ішінде көлік қозғалысын 60 км/cағаттан шектеле ме деген сұраққа жауап берді.
“Қалалардағы жылдамдық режимі жол үстіндегі жағдайға байланысты реттеліп, өзгеріп отырады. Егер ол жол аумағы мектепке немесе театрға, әлеуметтік нысандарға жақын болса, ол жерлерде сағатына 60 шақырымға дейін қозғалыс шектеледі. Оны жергілікті атқарушы органдар, әкімдіктер реттейді. Жалпы, бүкіл елде басқа жағдайда қала немесе ауыл ішінде көлік қозғалысын шектеу немесе арттыру жоспарланып отырған жоқ”, – дейді Зұлқайыров.
Астанада елді мекендерде ең жоғарғы жылдамдық 60 км/сағ, тұрғын үй салаларында — 20 км/сағ (аула ішінде). Ерекше жағдайда — 90 км/сағқа дейін рұқсат етіледі. Мектептер мен қоғамдық белсенді жерлерде шектеу 20–40 км/сағ болуы мүмкін
