Энергетика министрі Ерлан Ақкенженовтің сөзінше, Қазақстан Ресей тарапына тиісті сұраныс жолдаған, деп хабарлайды Tizgin.kz.
Жауап әлі келмеді
Министрдің айтуынша, әзірге жауап келмеді. Аталған бағыт Қазақстан үшін коммерциялық тұрғыдан тиімді көрінеді.
Ерлан Ақкенженов «Дружба» бағытының маңызын түсіндіре келе, «Атырау – Самара» мұнай құбырының қалыпты жұмыс істеуі үшін жыл сайын белгілі бір көлемде мұнай айдау қажеттігін атап өтті.
Жылдық көлем сақталуы тиіс
Әсіресе қыс мезгілінде құбырдың тұрақты жұмысын қамтамасыз ету үшін мұнай тасымалының ең төменгі жылдық көлемін сақтау маңызды екені айтылды.
Мемлекет «Дружба» бағыты арқылы мұнай жеткізуді қайта бастауға ұмтылғанымен, түпкілікті шешім Ресей тарапының жауабына байланысты болмақ.
