Қазақстандық еркін күрес шебері Нұрқожа Қайпанов Астанада өтіп жатқан 2026 жылғы әлем чемпионатының күміс жүлдегері атанды. Ол 74 келіге дейінгі салмақ дәрежесіндегі шешуші белдесуде ресейлік Иналбек Шериевке есе жіберді, деп хабарлайды Tizgin.kz.
Финалдық белдесу қалай өтті
Әлем чемпионатының алтын медалі үшін өткен белдесуде Нұрқожа Қайпанов ресейлік Иналбек Шериевпен кездесті. Тартысты өткен кездесуде қарсыласы басым түсіп, белдесу 10:4 есебімен аяқталды.
Осылайша, Иналбек Шериев әлем чемпионы атанса, Нұрқожа Қайпанов елордада өткен дүбірлі додада күміс медаль иеленді. Қазақстандық балуан әлем чемпионатының финалына дейін жетіп, өз салмағындағы үздік спортшылардың бірі екенін тағы бір мәрте көрсетті.
Нұрқожа Қайпанов финалға қалай жетті
Нұрқожа Қайпанов әлем чемпионатындағы алғашқы белдесулерінен бастап қарсыластарына мүмкіндік бермей, сенімді өнер көрсетті. Ол жарыс барысында Косово өкілі Эгзон Джониді, әзербайжандық Туран Байрамовты, Тәжікстан атынан сынға түскен Виктор Рассадинді және жапониялық Ёсиносукэ Аоягиді жеңді.
Осы төрт жеңіс қазақстандық балуанға әлем чемпионатының финалына жолдама алып берді. Алайда шешуші белдесуде ресейлік қарсыласынан басым түсе алмады. Нәтижесінде Нұрқожа Қайпанов Астанадағы әлем чемпионатын күміс медальмен аяқтады.
Посмотреть эту публикацию в Instagram
