АҚШ президенті Дональд Трамп Атлант мұхитына өз есімін беру туралы ұсынысын Google басшылығымен талқылағанын айтты. Оның сөзінше, компания бұл идеяны қолдамаған. Бұл туралы The Guardian басылымына сілтеме жасап Tizgin.kz хабарлайды.
Google басшысына қандай ұсыныс айтты
Трамп бұл оқиғаны Оңтүстік Каролина штатында өткен митинг кезінде баяндаған. Оның айтуынша, Атлант мұхитының атауын өзгерту идеясын Google басшысы Сундар Пичаимен талқылаған.
АҚШ президенті компания бұған дейін Онтарио көлінің атауына қатысты бастамасын қолдағанын айтып, мұхитқа өз есімін беру мәселесінде де келісімге келуге болады деп ойлаған.
Алайда, Трамптың сөзінше, бұл жолы Google басшысы ұсынысқа келіспеген.
Мұхиттың бұрынғы атауы сақталады
Трамптың баяндауынша, оған мұхитқа атау беру мәселесінің жөні бөлек екенін түсіндірген. Себебі мұхит көптеген елдің жағалауын шайып жатыр.
Осы жауаптан кейін АҚШ президенті бастамасынан бас тартып, Атлант мұхитының бұрынғы атауын қалдыруды жөн көргенін айтқан.
Google басшысымен болған әңгіменің бұл мазмұны Трамптың өз сөзіне негізделген. The Guardian компанияға түсініктеме алу үшін сауал жолдаған.
