Павлодарда ескі кинотеатрлардың біріне Шәкен Аймановтың есімі қайтарылды, деп хабарлайды Tizgin.kz.
Мәдениет, тілдерді дамыту және архив ісі басқармасының басшысы Медет Тауасқанның хабарлауынша, Павлодар өңірінің жұртшылығы мен облыстық Мәдениет, тілдерді дамыту және архив ісі басқармасының ұсынысымен көрнекті актер, режиссер, ұлттық кинематографияның негізін қалаушылардың бірі – Шәкен Аймановтың есімі кинотеатрға қайта оралған.
“Ғимараттың меншік иесіне ұсынысымызды қабыл алғаны үшін зор алғысымызды білдіреміз!” – деп мәлімдеді басқарма басшысы.
