Әлеуметтік желіде актер, продюсер Олжас Абай мен актриса, продюсер Дариға Бадықова шаңырақ көтергендерің растады, деп хабарлайды Tizgin.kz.
«Ешкімге ештеңе дәлелдеуге де міндетті емеспіз»
Әлеуметтік желілерде актриса, продюсер Дариға Бадықованың сырға салу рәсіміндегі видеосы тарады. Көп ұзамай ол жеке парақшасына отбасы құрғанын жариялады.
«Құдайдың бұйрығына ешкім қарсы шыға алмайды. Тағдырдың жазғанын ешкім өзгерте алмайды. Қалай десек те, кім не ойласа да, әр адамның өз тағдыры, өз бақыты бар. Біреудің бақытына төрелік айту бізге бұйырмаған. Біз ешкімнен ештеңе сұрамаймыз. Ешкімге ештеңе дәлелдеуге де міндетті емеспіз. Тек бақыт тілеңіздер! Ақ ниетпен айтылған бір ауыз тілек мың түрлі пікірден қымбат», – деп жазды ол.
Абай Олжас тойдағы видеомен бөлісті
Сондай-ақ, актер, продюсер Олжас Абай тойдағы видеомен бөлісіп, «Бұл жолы кино емес» деп жазды.
Оқырмандарың бір бөлігі жұбайларға бақыт тілесе, тағы бір бөлігі өз отбасыларын тастап отбасы құрғандары үшін наразылық білдірді.
