Алматыда 61 жастағы тұрғынды өлтіру дерегі бойынша полиция төрт адамды ұстады, деп хабарлайды Tizgin.kz.
Пәтерді заңсыз иемденді ме
Тергеу барысында қылмыстың мән-жайы, күдіктілердің жеке басы мен олардың марқұмның пәтерін заңсыз иемденуге қатысы болуы мүмкін екені анықталды.
Төрт күдіктінің барлығы уақытша ұстау изоляторына қамалды.
Тергеу басталды
Қазір қажетті жедел-тергеу іс-шаралары жүргізіліп жатыр.
Қылмыстық істі тергеу үшін ІІМ-нің ең тәжірибелі қызметкерлерінен арнайы тергеу-жедел тобы құрылды. Тергеу барысы Ішкі істер министрінің жеке бақылауында, – делінген Алматы қалалық Полиция департаменті мәліметінде.
Тергеу мүддесіне байланысты өзге ақпарат жария етілмейді.
