Алматының Алмалы ауданында полицейлер жезөкшелікпен айналысуға арналған тағы бір притон анықтады. Ол Желтоқсан көшесіндегі көпқабатты үйлердің біріндегі пәтерде орналасқан, деп хабарлайды Tizgin.kz полиция мәліметіне сүйеніп.
Пәтерде екі әйел болған
Полицияның мәліметінше, пәтер тұру үшін емес, ақылы интимдік қызмет көрсетуге пайдаланылған.
Тексеру кезінде онда Қарасай ауданының 35 жастағы тұрғыны мен оның Қостанай облысынан келген 20 жастағы танысы болған. Полицейлердің хабарлауынша, екеуі де ақшаға интимдік қызмет көрсеткенін мойындаған. Әйелдер Алмалы аудандық полиция басқармасына жеткізілді.
Пәтер иесінің әрекетіне де құқықтық баға берілді
Осы дерек бойынша тексеру жүргізіліп жатыр. Полиция әйелдердің және пәтер иесінің әрекетіне құқықтық баға берілгенін хабарлады. Қандай шара қолданылғаны нақтыланбаған.
Полиция өкілдері тұрғын үйді жезөкшелікпен айналысу үшін пайдаланылатынын біле тұра беру де заңда белгіленген жауапкершілікке әкелетінін ескертті.
Посмотреть эту публикацию в Instagram
