Төтенше жағдайлар вице-министрі Батырбек Әбдішев басқа қызметке ауысуына байланысты өз еркімен атқарып отырған лауазымынан босатылды, деп хабарлайды Tizgin.kz.
Ол бұл қызметке 2024 жылғы сәуірде тағайындалған болатын.
Батырбек Әбдішев 1977 жылы Ақтөбе облысында дүниеге келген. 1999 жылы Қазақстан Қарулы Күштерінің Жоғары шекаралық командалық училищесін тәмамдаған.
1995-2024 жылдар аралығында Қазақстанның арнаулы мемлекеттік органдарында қызмет атқарды.
Әбдішев Төтенше жағдайлар вице-министрі қызметін атқарған кезеңде азаматтық қорғаныс жүйесін дамыту және министрлікті цифрландыру бағыттарына жетекшілік етті. Ол мемлекеттік наградалармен, соның ішінде «Жауынгерлік ерлігі үшін» медалімен және II дәрежелі «Айбын» орденімен марапатталған.
