Алматыдағы ойын-сауық орындарының бірінде екі әйелдің түнгі жанжалы төбелеске ұласып, соңы полицияның араласуымен аяқталды, деп хабарлайды Tizgin.kz.
Қызғаныштан туындаған жанжалға басқа келушілер де араласқан. Оқиға орнына келген полицейлер төбелеске қатысушыларды ажыратуға мәжбүр болды. Жаппай төбелес бейнебақылау камераларына түсіп қалған.
Алматы қалалық Полиция департаментінің мәліметінше, болған оқиға бойынша қылмыстық іс қозғалды.
«Оқиға Түрксіб ауданындағы ойын-сауық орындарының бірінде болған. Әйелдер арасындағы сөзге келіспеушілік төбелеске ұласқан. Оқиға орнына келген полиция қызметкерлері жанжалды тоқтатып, оған қатысқанның барлығын аудандық полиция басқармасына жеткізді. Алдын-ала мәлімет бойынша, оқиғаға қатысушылар алкогольдік масаң күйде болған», – деп хабарлады полиция.
Қазір тергеушілер оқиғаның барлық мән-жайын анықтап, жанжалға қатысқан әр адамның қаншалықты кінәлі екенін тексеріп жатыр.
Посмотреть эту публикацию в Instagram
