Тергеушілер трагедияның мән-жайын зерттеп жатыр, деп хабарлайды Tizgin.kz.
Астанадағы Назарбаев Университеті кампусында 22 жастағы қыз қаза тапты. Полицияның мәліметінше, ол жатақхананың 12-қабатындағы терезеден құлап кеткен.
NU баспасөз қызметі марқұмның отбасы мен жақындарына көңіл айтып, барлық жедел қызмет пен құқық қорғау органдары дер кезінде жұмылдырылғанын атап өтті. Сондай-ақ университет студенттер мен қызметкерлерге психологиялық қолдау көрсетіп жатыр. Университет басшылығы мен марқұмның туыстары тексерілмеген ақпаратты таратпауға және отбасының сезіміне құрметпен қарауға шақырады.
“NU қауымдастығының әрбір мүшесінің қауіпсіздігі мен психологиялық әл-ауқаты басты басымдық болып қала береді”, – делінген ресми хабарламада.
Астана полиция департаменті қылмыстық іс қозғалғанын хабарлады. Қазір оқиғаның барлық мән-жайы анықталып жатыр.
ҰҚСАС ОҚИҒА
18 маусымда Назарбаев университетінің студенті жатақханалардың бірінде өлі күйінде табылғаны хабарланған. Ал Алматыда әл-Фараби атындағы Қазақ ұлттық университетінің студент қыздың қазасы бойынша тергеу жүріп жатыр. Алдын ала болжам бойынша, трагедияға отбасылық мәселелер себеп болуы мүмкін.
