Қанат Төсекбаев Әлеуметтік медициналық сақтандыру қоры (ӘМСҚ) басқарма төрағасының орынбасары болып тағайындалды, деп хабарлайды Tizgin.kz.
Ол кәсіби еңбек жолын «Ұлттық медициналық холдинг» АҚ-да бастаған. Әр жылдары Астана қалалық жедел медициналық жәрдем станциясын, Алматы қалалық балалар клиникалық жұқпалы аурулар ауруханасын, Президент Іс басқармасы медициналық орталығының «Оқжетпес» және «Алматы» шипажайларын басқарды.
Сондай-ақ кейін Батыс Қазақстан облысының денсаулық сақтау басқармасы мен Алматы қаласының Қоғамдық денсаулық сақтау басқармасына жетекшілік еткен.
Төсекбаев бұдан бөлек «Денсаулық сақтауды дамыту республикалық орталығы» РМК-ны және Астанадағы №8 қалалық емхананы басқарған.
