«Қазгидромет» РМК 17–19 қыркүйек аралығына арналған Қазақстандағы ауа райы болжамын ұсынды, деп хабарлайды Tizgin.kz.
Ауа райы құбылмалы болады
Алдағы күндері Қазақстан аумағында атмосфералық қысым өрістерінің тез ауысуы күтіледі.
Еліміздің басым бөлігінде жауын-шашынның тоқтап, ауа температурасының төмендеуіне себеп болған антициклонның артынан жаңа циклон келе бастайды.
Батыс пен солтүстікте жаңбыр жауады
Циклон алдымен Қазақстанның батыс өңірлеріне, кейін солтүстік облыстарға жетеді. Оның әсерінен жаңбыр жауып, найзағай ойнайды. Кей жерлерде желдің екпіні күшейеді.
Оңтүстікте жылы ауа райы сақталады
Ал республиканың оңтүстігінде Өзбекстан аумағынан келетін жылы ауа массаларының әсерінен күн жылы болады. Бұл өңірлерде ауа райы негізінен жауын-шашынсыз өтеді.
