Рыбакина 2026 жылы ең көп табыс тапқан теннисші әйел атанды
Әлемнің бірінші ракеткасы Рыбакина жүлдеақы рейтингінде де көш бастады
Қазақстандық теннисші Елена Рыбакина 2026 жылы турнирлерден алған сыйақы көлемі бойынша әйелдер арасында бірінші орынға шықты. Ол 10,88 млн доллар табыс тауып, ерлер мен әйелдердің бірлескен рейтингінде үздік үштікке енді, деп хабарлайды Tizgin.kz Sportico дерегіне сілтеме жасап.
Рыбакинаның алдында тек Зверев пен Синнер тұр
Кәсіби теннисшілер қауымдастығы (ATP) мен Әйелдер теннисі қауымдастығы (WTA) ойыншыларының жүлдеақысын біріктірген рейтингте Рыбакина үшінші орында тұр. Оның алдында германиялық Александр Зверев пен италиялық Янник Синнер ғана бар. Олар биыл тиісінше 14,71 млн және 11,58 млн доллар сыйақы алған.
Әйелдер арасында қазақстандық теннисші көш бастап тұр. Екінші орындағы Беларусь өкілі Арина Соболенконың көрсеткіші – 8,07 млн доллар. Үшінші сатыға 7,49 млн доллар тапқан чехиялық Линда Носкова жайғасқан.
Жүлдеақы көлемі бойынша алғашқы ондық:
- Александр Зверев (Германия) – 14,71 млн доллар;
- Янник Синнер (Италия) – 11,58 млн доллар;
- Елена Рыбакина (Қазақстан) – 10,88 млн доллар;
- Арина Соболенко (Беларусь) – 8,07 млн доллар;
- Линда Носкова (Чехия) – 7,49 млн доллар;
- Коко Гауфф (АҚШ) – 6,97 млн доллар;
- Мирра Андреева (Ресей) – 6,63 млн доллар;
- Бен Шелтон (АҚШ) – 6,44 млн доллар;
- Джессика Пегула (АҚШ) – 5,75 млн доллар;
- Каролина Мухова (Чехия) – 5,25 млн доллар.
Бұл көрсеткіштер теннисшілердің 2026 жылы осы уақытқа дейін турнирлерден алған жүлдеақысын қамтиды.
US Open жеңісі және әлемдік рейтингтегі бірінші орын
14 қыркүйекте Рыбакина мансабында алғаш рет WTA рейтингінің көшбасшысы атанды.
Қазақстандық теннисші US Open-2026 турнирінің финалында Арина Соболенконы үш сетте жеңді. Кездесу 6:4, 5:7, 6:2 есебімен аяқталды.
АҚШ ашық чемпионатындағы бұл жеңіс Рыбакинаның «Үлкен дулыға» турнирлеріндегі үшінші титулы болды.
