Астанадағы тұрғын үй кешендерінің бірінде үйдің төбесі өртенді, деп хабарлайды Tizgin.kz.
Төтенше жағдайлар департаментінің мәліметінше, тұрғын үй кешенінің бірінші қабатындағы жарықтандыру құрылғысында қысқа тұйықталу болған. Соның салдарынан шамамен 0,5 шаршы метр аумақта өрт шыққан.
«4 қыркүйек күні сағат 08:36-да “101” пультіне кіреберісті түтін басқаны туралы телефон хабарламасы түсті. Оқиға орнына №3 мамандандырылған өрт сөндіру бөлімінің 12 қызметкері мен 3 техникасы жіберілді», – делінген ТЖД хабарламасында.
Әлеуметтік желіде тараған видеодан төбедегі жарықтандыру құрылғысы тұсынан өрттің жалын мен шоғының төмен қарай шашырағанын көруге болады.
Өрт сөндірушілер келгенге дейін жалын толық сөндірілген. Оқиғадан зардап шеккендер жоқ. Тұрғындарды эвакуациялау қажет болмаған.
