Аталған факті бойынша Түрксіб аудандық полиция басқармасы қылмыстық іс қозғады. Күдіктілер ұсталып, Алматы қаласы ПД уақытша ұстау изоляторына қамалды, деп хабарлайды Tizgin.kz.
«Алматыда қоғамдық көлікте болған жанжалға қатысты қылмыстық іс қозғалды. Үш күдікті де ұсталып, қамалды. Қоғамдық орындарда мұндай іс-әрекеттерге жол берілмейді. Барлық тұлғалар міндетті түрде заң аясында жауап береді», – деді полиция басқармасы өкілі.
Жанжалға қатысушылардың әрқайсысының әрекетіне принципті түрде құқықтық баға беріледі. Мұндай агрессивті және қоғамға қауіпті мінез-құлыққа жол берілмейді. Кінәлі тұлғалар Қазақстан Республикасының заңнамасына сәйкес жауапкершілікке тартылады.
«Полиция азаматтарды арандатуға бой алдырмай, жанжалды жағдайларды күш қолдануға және қылмыстық жауапкершілікке әкеп соқтырмай, бейбіт жолмен шешуге шақырады», – деп жазылған хабарламада.
Посмотреть эту публикацию в Instagram
