Тегін өзгерткен қазақстандық әйелдер жүргізуші куәлігін ауыстыруы тиіс

Тұрмысқа шыққаннан кейін тегін өзгерткен қазақстандық әйелдерге жүргізуші куәлігін де ауыстыру қажет. Бұл туралы «Азаматтарға арналған үкімет» мемлекеттік корпорациясының баспасөз қызметі мәлімдеді, деп хабарлайды Tizgin.kz.

Тегі өзгерсе – жүргізуші куәлігін де ауыстыру керек

Егер жүргізуші куәлігінде бұрынғы тегі көрсетілсе, құжатты жаңарту қажет, себебі жүргізуші куәлігіндегі мәліметтер жеке куәліктегі деректермен сәйкес болуы тиіс.

Жүргізуші куәлігін қайда ауыстыруға болады

Жүргізуші куәлігін:

• арнайы ХҚКО-да;
• электронды үкімет порталы арқылы онлайн ауыстыруға болады.

Қандай құжаттар қажет

Жүргізуші куәлігін ауыстыру үшін:

• жеке куәлік;
• қолданыстағы жүргізуші куәлігі қажет.

Сонымен қатар мемлекеттік баж төлеу керек.

Яғни, тұрмысқа шыққаннан кейін тегі өзгерген жағдайда, жүргізуші куәлігіндегі деректерді де жаңа жеке мәліметтерге сәйкестендіру қажет.