Ұлдана Мырзуанның қазасынан кейін күйеуі Әділет Зейнел әкімдікке барып, аты аталмаған депутаттан 20 млн теңге алған. Оның 4,5 млн теңгесін Ұлдананың анасына берген, деп хабарлайды Tizgin.kz.
Арада біраз уақыт өткен соң Әділеттің анасы Ұлдананың анасына хабарласып, ол ақшаны қайтаруды талап етіп, қайтармаған жағдайда сот арқылы алатынын жеткізген.
Бүгін сотта жауап берген Ұлдана Мырзуанның анасы Сәлимә Ешенқұлова осылай деді.
Еске салсақ, Астанада үстіне қасбет құлап, көз жұмған фельдшер Ұлдана Мырзуан ісінде қазір сол үйдің ОСИ – меншік иелерін бірлестігінің басшысы Сәуле Жұбаниязова сотталушы ретінде процестен өтіп жатыр. Бүгін соттан кейін тілшілерге берген жауабында ол өзін кінәлі санамайтынын, адам болған соң Ұлдананың анасына көңіл айтқанын жеткізді.
Ұлдана Мырзуан ісі
Еске салсақ, 2025 жылдың 30 қыркүйекте Ұлдана Мырзуан реабилитолог-дәрігер Әділет Зейнелге тұрмысқа шыққан. Екеуі 8 жыл көңіл жарастырып жүрген еді.
8 қарашада Астанада тоғыз қабатты тұрғын үйдің сыртқы кірпіш қаптамасы опырылып, астында бірнеше тұрғын қалып қойған. Көмекке жедел жәрдем бригадасы, оның ішінде фельдшер Ұлдана Мырзуан жеткен. Құтқару жұмысы барысында ғимараттан кондиционер қондырғысы құлап, Ұлдана мен тағы бір фельдшердің басына тиді. Жалпы оқиға салдарынан 5 адам жарақат алды.
Ұлдана 10 күн бойы ауыр халде жансақтау бөлімінде жатты. Дәрігерлер оны құтқарып қалу үшін бар күшін салғанмен, 18 қараша күні 23 жастағы Ұлдана Мырзуан көз жұмды. Сол күні мемлекет басшысы Қасым-Жомарт Тоқаев оны «Ерлігі үшін» медалімен марапаттады.
Астанада қызметтік міндетін атқару кезінде ажал құшқан фельдшер Ұлдана Мырзуанның құрметіне қалалық жедел медициналық көмек станциясы ғимаратына мемориалдық тақта орнатылды. Оның ашылу рәсіміне Денсаулық сақтау министрі Ақмарал Әлназарова, Ұлдана Мырзуанның анасы Сәлима Ишанқұлқызы, марқұмның туыстары мен жедел медициналық көмек станциясының қызметкерлері қатысты.
«Ұлымды қайғы жеп барады»
Марқұм реабилитолог-дәрігер Ұлдана Мирзуанның бұрынғы күйеуі Әділет Зейнел мен анасы алғаш рет сұхбат берген болатын.
«Ал Әділеттің туыстары ол тезірек есін жиып, өзіне келгенін қалады. Ол қараша айынан бастап 3 ай жұмыс істемеді. Ол ауырып, қайғы жеп бара жатқанын Ұлдананың анасы да біледі. Біз оның адамдармен араласып, жақсы әйелмен танысқанын, ел қатарлы өмір сүргенін қаладық. Ол сәуір айынан бастап беті бері қарай бастаған кезде біз қуандық», – деді Әділеттің анасы.
Ал Ұлдананың анасы Руслан Өтепбайғай берген сұхбатында «Мені сыйласаң жәбірленуші статусынан бас тарт» деген болатын.
Посмотреть эту публикацию в Instagram
