Мемлекет басшысы Қасым-Жомарт Тоқаев Жантілек Нұртілепұлын «Қазақстан Барысы – 2026» турниріндегі айқын жеңісімен құттықтады, деп хабарлайды Tizgin.kz.
«Жеңіске деген ерік-жігердің көрінісі»
Президент Жантілек Нұртілепұлының бұл жетістігін оның табандылығы мен жоғары шеберлігінің нәтижесі ретінде бағалады.
Мемлекет басшысының айтуынша, балуанның бозкілемдегі жеңісі спорттық дайындығымен қатар, жеңіске деген берік ерік-жігерінің айқын көрінісі болды.
Бұл туралы Президенттің кеңесшісі – баспасөз хатшысы Айбек Смадияров мәлімдеді.
Ұлттық спортқа қызығушылықты арттырады
Қасым-Жомарт Тоқаев «Қазақстан Барысы» секілді беделді бәсекелердің ұлттық спортты дәріптеудегі маңызына да тоқталды.
Президент мұндай турнирлер халқымыздың бірегей дәстүрлерін жаңғыртып, өскелең ұрпақты ұлттық спорт түрлерімен айналысуға ынталандыратынын атап өтті.
