Қазақстанда Telegram мессенджерінің жұмысында ақау байқалды. Жасанды интеллект және цифрлық даму министрлігі мәселенің себебін техникалық мамандар анықтап жатқанын мәлімдеді, деп хабарлайды Tizgin.kz.
13 тамызда әр өңірдегі Telegram қолданушылары мессенджер жұмысының баяулағанына шағымдана бастады.
Қолданушылардың бір бөлігі хабарлама жіберуде қиындық туындағанын айтса, кейбірі фото, видео және өзге де файлдардың ұзақ жүктелетінін хабарлаған. Сондай-ақ Telegram серверлеріне қосылуда да мәселе туындаған. Ақау мессенджердің мобильді және компьютерлік нұсқаларында байқалған.
Министрлік не дейді
Жасанды интеллект және цифрлық даму министрлігі Telegram-ның қолжетімсіз болуына қатысты қолданушылардан өтініштер түсіп жатқанын растады.
«Қазіргі уақытта Telegram мессенджерінің қолжетімсіз болуына байланысты қолданушылардан жекелеген өтініштер түсіп жатыр. Техникалық мамандар жағдайдың мән-жайын анықтап жатыр», – деп хабарлады министрліктің баспасөз қызметі.
Әзірге Telegram жұмысындағы ақаудың нақты неден туындағаны белгісіз.
