Қазақстандықтарға жемқорлық туралы хабарлағаны үшін қанша сыйақы төленеді

Ұлттық қауіпсіздік комитетінің төрағасы сыбайлас жемқорлық туралы хабарлаған азаматтарды ынталандыру тәртібін нақтылайтын жаңа бұйрыққа қол қойды, деп хабарлайды Tizgin.kz.

Сыйақы мөлшері қалай есептеледі?

Сыйақы мөлшері берілген параның көлеміне немесе келтірілген залалдың сомасына байланысты белгіленеді. Кей жағдайда төленетін сыйақы 17,3 миллион теңгеден асуы мүмкін.

Хабарлама тексерілгеннен кейін оны арнайы комиссия қарайды. Егер комиссия оң шешім қабылдаса, сыйақы өтініш берушінің банктік шотына бір ай ішінде аударылады.

Мемқызметкерлерге сыйақы берілмейді

Сонымен қатар, қызметтік міндетіне сәйкес сыбайлас жемқорлық фактілері туралы хабарлауға міндетті мемлекеттік қызметкерлерге ақшалай сыйақы берілмейді. Оның орнына оларға Құрмет грамотасы табысталуы немесе алғыс жариялануы мүмкін.

Жаңа ережелер 22 тамыздан бастап күшіне енеді.