9 тамыз күні Астанада өтетін Jüregimniñ Jeñimpazy қайырымдылық жүгіру фестиваліне байланысты №27, №47 және №54 автобус бағыттарының қозғалыс сызбасы уақытша өзгереді.Бұл туралы CTS компаниясы хабарлады, деп жазады Tizgin.kz.
Аталған қайырымдылық жарысы елдегі ең ауқымды жүгіру шараларының бірі саналады. Биыл тоғызыншы рет ұйымдастырылып отырған фестивальдің басты мақсаты – адам өмірін сақтап қалу мәдениетін насихаттау және трансплантология саласының дамуына қолдау көрсету.
Биылғы шараға 7000-ға жуық адам қатысуы мүмкін. Қатысушылар 1, 3 және 10 шақырымдық қашықтықтарда күш сынасады. Жарыс таңғы сағат 07:00-де басталады.
Фестивальдің өтуіне байланысты қаладағы бірқатар көшелер уақытша жабылып, қоғамдық көлік бағыттарына өзгерістер енгізіледі.
