Ақтауда жаңа сауда орнын ашқан кәсіпкер балаларға тегін балмұздақ пен йогурт таратқаны үшін әкімшілік жауапкершілікке тартылды, деп хабарлайды Tizgin.kz.
Аталмыш оқиға 1 тамызда болған.
Әкімдіктің мәліметінше, сауда орнының ашылуына орай кәсіпкер балаларға 50 порция балмұздақ пен 30 дана йогуртты тегін таратқан.
Заңнама талаптарына сай рұқсаты жоқ болғандықтан, кәсіпкерге әкімшілік құқық бұзушылық туралы кодекске сәйкес 20 айлық есептік көрсеткіш (86 500 теңге) көлемінде айыппұл салынды.
Қала әкімдігінің мәліметінше, мұндай акцияларды өткізер алдында міндетті түрде рұқсат алу қажет. Өйткені тегін таратылатын шараларға көп адам жиналып, түрлі келеңсіз жағдайларға әкелуі мүмкін.
