Түркістан облысында TikTok әлеуметтік желісіндегі тікелей эфир барысында былапыт сөздер айтып, агрессивті мінез-құлық көрсеткен әйел әкімшілік жауапкершілікке тартылды, деп хабарлайды Tizgin.kz.
Әлеуметтік желідегі заң бұзушылық
Түркістан облысы полиция департаментінің мәліметінше, интернет кеңістігіне жүргізілген мониторинг барысында TikTok-тағы тікелей эфир кезінде әйел адамның қоғамдық тәртіпті бұзып, былапыт сөздер қолданғаны бейнежазба арқылы анықталған.
Тексеру барысында полиция қызметкерлері құқық бұзушының жеке басын анықтады. Ол 39 жастағы жергілікті тұрғын Баян Шанкеева болып шықты.
Сот шешімі
Жиналған материалдар сотқа жолданып, сот шешімімен әйел әкімшілік жауапкершілікке тартылды.
Полиция әлеуметтік желілерде де заң талаптарын сақтау міндетті екенін еске салып, «Заң және тәртіп» қағидаты өмірде ғана емес, интернет кеңістігінде де сақталуы тиіс екенін мәлімдеді.
