ЕрекшеЖаңалықтар 
Шығыс Қазақстанда жабайы қабандар тобы фототұзаққа түсті
Балшыққа түсу оларға ыстық ауа райында салқындауға және жәндіктерден қорғануға көмектеседі.
Катонқарағай мемлекеттік ұлттық табиғи паркінің аумағында фототұзақ екі қабан ұрғашысын және олардың төлін тіркеді, деп хабарлайды Tizgin.kz.
Жануарлар балшықты шалшықтың жанында байқалған. Торайлар ересек қабандармен бірге аумақты зерттеп жүрген.
Парк мамандарының айтуынша, балшыққа түсу қабандардың өмірінде маңызды рөл атқарады. Бұл оларға ыстық ауа райында салқындауға және жәндіктерден қорғануға көмектеседі.
Фототұзақ арқылы алынған суреттер мамандарға ұлттық парктегі жабайы жануарларды табиғи ортада бақылауға және олардың популяциясының жағдайын қадағалауға мүмкіндік береді.