“Әкіміміз өлең оқығанша жолымызға қарасын”: Қарағанды өңіріндегі ауыл халқының шағымы
Қарағанды облысындағы Ақтөбе (Амангелді) ауылының тұрғындары мәселені ең жоғары деңгейде көтеруге мәжбүр болып отыр. Ауыл халқы Мемлекет басшысы Қасым-Жомарт Тоқаевқа ашық түрде үндеу жасап, жағдайды жеке бақылауына алуды сұрады, деп жазады msu.city басылымы.
Тұрғындардың айтуынша, аудан әкімі қабылдап жатқан шаралар түйткілді толық шешпей отыр.
Көршілес елдімекенде жол құрылысы басталғаннан кейін ауыр жүк көліктерінің ағыны Ақтөбе ауылы арқылы өтетін болған. Тұрғындар дабыл қағады: олардың пікірінше, шамадан тыс жүк тиелген көп тонналы техникалардың салмағынан жол жақын арада бүлінуі мүмкін.
Көліктердің салмақ нормасының сақталуын және жол жабынының бүлінбеуін көлік полициясы мен тиісті инспекция қадағалауы тиіс. Алайда жергілікті тұрғындардың сөзінше, қажетті сәтте жауапты органдарға хабарласу мүмкін болмай отыр.
Ақтөбе ауылының тұрғындары Қасым-Жомарт Тоқаевтан мәселеге назар аударуды, көліктердің тоннажына қатаң бақылау орнатуды және ауыл инфрақұрылымын қираудан қорғауды сұрайды. Өйткені, олардың пікірінше, жергілікті атқарушы органдар қалыптасқан жағдайды еңсере алмай отыр.
Посмотреть эту публикацию в Instagram