Павлодар облысындағы ұшақ апаты: ұшқыш жансақтау бөлімінде жатыр
Ұшқыш барлық қажетті ем-домды алып жатыр.
Медицина қызметкерлерінің айтуынша, 1998 жылы туған ұшқыш облыстық ауруханадан Павлодарға апаттар медициналық орталығына тікұшақпен жеткізілген, деп хабарлайды Tizgin.kz.
Павлодар облыстық денсаулық сақтау департаменті ер адамның Павлодар қалалық №1 ауруханасының жансақтау бөліміне бірнеше жарақат диагнозымен түскенін хабарлады.
Ұшқыш барлық қажетті ем-домды алып жатыр.
«Жансақтау бөліміндегі алғашқы күн әрқашан ауыр деп бағаланады. Бұл хаттама. Бірінші күн оның жағдайын бақылауға жұмсалады», – деп атап өтті Павлодар қалалық №1 ауруханасы.
Еске сала кетсек, АН-2 ұшағы бүгін, 27 мамыр күні таңертең Павлодар облысындағы Железинка ауылының маңында апатқа ұшырады. АН-2 әуеден химиялық жұмыстар жүргізіп жатқан және электр желілеріне соғылған. Борттағы ұшқыштың бірі оқиға орнында көз жұмса, екінші ұшқыш жансақтау бөлімінде жатыр.