Атырау облысы Құрманғазы ауданына қарасты Нұржау ауылындағы Шарон өзенінде рұқсат етілмеген жерге 2016 жылы туған бала суға түсіп, батып кетті, деп хабарлайды Tizgin.kz сайты.
Облыстық Төтенше жағдайлар департаментінің мәліметінше, қайғылы оқиға 25 мамыр күні сағат 18:30 шамасында болған. Баланың денесі судан шығарылды.
«Осыған байланысты Атырау облысы Төтенше жағдайлар департаменті тұрғындарды су айдындарындағы қауіпсіздік талаптарын қатаң сақтауға шақырады. Балаларды су жағасына ересектердің қарауынсыз жібермеңіздер», – деп мәлімдеді департаменттің баспасөз қызметі.
