Қазақстанда алдағы демалыс күндері, яғни 18–20 сәуір аралығында ауа райы құбылмалы болады. Бұл туралы Қазгидромет синоптиктері ақпарат таратты, деп хабарлайды Tizgin.kz.
Мамандардың айтуынша, елдің солтүстігі, шығысы және орталығы скандинавиялық антициклонның ықпалында қалады. Осыған байланысты бұл өңірлерде жауын-шашынсыз, салыстырмалы түрде салқын ауа райы сақталады.
Ал батыс пен оңтүстік аймақтарда жаңбыр жауып, найзағай күтіледі. Оңтүстіктің таулы өңірлерінде жаңбыр мен қар аралас жауын-шашын түсіп, жел күшейеді.
Синоптиктер ауа массаларының ауысуына байланысты ел аумағында біртіндеп жылыну болатынын айтады. Күндізгі температура мынадай болады:
- Батыс, солтүстік және орталықта: +15…+23°C
- Шығыста: +10…+18°C
- Оңтүстік және оңтүстік-шығыста: +17…+28°C
Жалпы республика бойынша түнгі және таңғы уақытта тұман түсуі ықтимал.
Осылайша, демалыс күндері Қазақстанның көп бөлігінде ауа райы әркелкі болғанымен, біртіндеп күн жылынады.
