«Әділет» партиясының ұйымдастыру комитеті Әділет министрлігінен хабарламаның қабылданғанын растайтын құжатты алғанын хабарлады, деп жазады Tizgin.kz.
“Бүгін, 2026 жылғы 16 сәуірде, Қазақстан Республикасының барлық облыстарын, республикалық маңызы бар қалаларын және Астананы қамтитын 700-ден айтарлық көп азаматтан құралған бастамашыл топтың атынан «Әділет» партиясының ұйымдастыру комитеті саяси партия құру ниеті туралы хабарламаны барлық қажетті ілеспе құжаттармен бірге Әділет министрлігіне ресми түрде ұсынды”, – деп хабарлады партия мүшесі Динара Зәкиева ресми парақшасында.
Осы күннен бастап ұйымдастыру комитеті өз қызметіне ресми түрде кіріспек. 2026 жылы мамыр айының басында партияның құрылтай съезін өткізуді жоспарлап отыр. Құрылтай съезінің нақты өтетін күні мен орны туралы қосымша хабарламақ.
Бір топ азамат «Әділет» атты жаңа саяси партия құрылатынын ресми түрде мәлімдеген еді. Бастамашыл топтың мәлімдеуінше, жаңа партия прогрессивті реформаларды қолдайтын және Әділетті Қазақстан идеясын ұстанатын азаматтардан құралмақ. Олар 2026 жылғы 15 наурызда қабылданған жаңа Конституция ел дамуының жаңа кезеңін айқындағанын атап өтеді.
